ኢትዮጵያ | ምዕራባውያን ፡ ለምን የረሀብ ተምሣሌት አደረግዋት ፧

ዘርአዳዊት ዘ-ኢትዮጵያ

ታሪካዊት የኢትዮጵያ ጠላት ሀገረ እንግሊዝ ፡ በመዝገቨ ቃላት ማኅደርዋ ረሀብ ወይም ድርቅ ለሚለው ቃል ፡ ሀገራችን ኢትዮጵያ እንደ ምሳሌ ጠቅሳታለች። ኢትዮጵያ በአብዛኛው የዓለማችን ማኅበረሰብም በረሀብና በድርቅ ብቻ ትታወቃለች። ይህ እንዲሆንም በዲያብሎስ አገልጋዮች ምዕራባውያን ፡ ሆን ተብሎ የተደረገ ነው። ይህም ከጥንት ጀምሮ የእግዚአብሔር ሀገር በመሆንዋ ያደረባቸው ጥላቻ የሚወጡበት ሆኗል። ድንቅ የሆነው “የዓድዋ ድል” ቪክቶሪ (Victory) ለሚለው ቃል ፡ ምሳሌ ማድረግ አይፈልጉም ፤ ምክንያቱም ድል የተደረገው አካል ማን እንደሆነ ፡ ለዓለም ህዝብ ግልጽ ነው።

በሰው ልጅ ታሪክ መዝገብ ውስጥ ፡ ከፍተኛና ዘግናኝ የረሀብና ድርቅ ሁኔታዎች ተከስተው አልፈዋል ፤ አሁንም እየተከሰቱ ነው። እስከ አሁን በአስከፊነታቸው ፡ ከተመዘገቡት ውስጥም በኢትዮጵያ የተከሰተው ድርቅና ረሀብ ግን እስከ ፲ኛ ደረጃ ውስጥ አይገኝም ፤ ቢሆንም ምዕራባውያን ፲፱፻፸፯ ዓ.ም በሀገራችን ኢትዮጵያ የተከሰተው መጥፎ ሁኔታ ፡ በማጋነን የኢትዮጵያ ስም ለማጥፋት ተጠቅመዉበታል።